Gerbs

Aktualumi

Volūda

Literatura

Publikacejis

Nūtikšonys

Poezeja

Proza

Viesture

Muoksla

Etnokultura

Dūmu meiti

Breivī servisi

Gostu gruomota

Saitys













. (.)


latgola.lv


Rotu Mikeļs   

Putneņ, laikā soltas zīmas

            Putneņ, laikā soltas zīmas,
            Kur irā tovs pereklis?
            - Zam dabasim, zam dabasim
            Ir gon vēļ kaids kakteņš,
            Kaida sylta vīteņa
            Īkš grumbom,
            Īkš škierbom.
            Tur taisu perekleni,
            Vysulobuokū vīteni
            Zam dabasim.

            Putneņ, kod jau plyks irā teirums,
            Kur tod irā tovs barūklis?
            - Īkš Dīva rūkas, īkš Dīva rūkas
            Ir gon vēļ kaids gryudeņš,
            Kaida moza ūdzeņa
            Pi celenim,
            Pi stidzeņom.
            Tur atrūnu tai voi šai,
            Bet atrūnu sev barūkli
            Īkš Dīva rūkas.

            Putneņ, kod jau sausi zori,
            Kur tod tova dzīsmeņa?
            - Īkš sirds dziļuma, īkš sirds dziļuma,
            Guļ tur daudz vēļ dzīsmeņu,
            Daudz naizplaukušu zīdeņu
            Sirds klusā dybynā.

            Atnuok dreiž pavasareņa,
            Atsadzeivynoj dzīsmeņa
            Dīvu teic nu sirds dziļuma,
            Dīvam dzīd nu sirds dybyna.






© Mikeļs Rots, ailis        © 2000-2024, Aņss Ataols Bierzeņš, latgola.lv        Myusu E-posta adress: latgola@latgola.lv

Ituos puslopys pādejuo papruoveišona: 2002 gods maja (lopu) mieneša 27 d.