Publikacejis Nūtikšonys Poezeja Proza . (.)

Armands Kūceņš (1974)     Kūceņu Armands (1974) dzims Reigā. Saaudzs ar divejom dzymtajom volūdom: vace runovuse latgaliski, dzymdynuotuoji - latviski. Vuicejīs Reigā, studiejs filologeju Reigā, Daugpilī, Rēznē i Viļnē. Studeju godūs puorbraukaliejs kūna vysu Latgolu, pīsadaleidams lingvistiskuos i folkloristiskuos ekspedicejuos. Jau mozdīnuos nu vacis izavuiceitū volūdu vēļ piļneiguojs runuodamīs ar ļaudim vysaidūs Latgolys vydūs. Taipoš puorskaitejs gubom latgaļvolūdeigys literaturys. Latgaliskuo ideņtiteta pādus mekliejs i latgaļu kolonejuos Sibirī. Bejs vīns nu školuotuoju kursu Vosoruošona i laikroksta/žurnala Graidi iniciatoru. Pīsadola Latgolys Tiemiešonys instituta (LPI) volda dorbā. Skaitejs paviestejumus LPI koņfereņcejuos i lekcejis Vosoruošonys kursūs.   Kūpā ar Veri i Juoni Luočim latgaļu kolonejā Sibirī (Novosibirska apgabaļa Vengerovys rajona Timofejovā) 2003 gods vosorā.     Tān kūpā ar sīvu i meitu dzeivoj Viļnē, dora radejā Breivuo Europa, organizacejā Latgolys instituts i nazcik Viļnis puorvārsumu birojūs. Prācavoj i lingvistiskajā diervā - byudams asoc. prof. L.Leikumys i prof. O.Breidaka vuicinīks, niule dora pi Latvīšu-latgaļu volūdys vuordineicys sastateišonys.     Napadaudzejuos ailis sovuolp atsarodušys kai dzīšmu teksti bīdreigam A. Kūceņa i grupys Laiksne muzykalam projektam (1998-1999). Autors pats komponiejs i bolsus (melodejis).     Kūceņu Armanda ailis: Treis rudiņ dzīžamys dzīsmis    © 2000-2025, Aņss Ataols Bierzeņš, latgola.lv        Myusu E-posta adress: latgola@latgola.lv Ituos puslopys pādejuo papruoveišona: 2018 gods seņtebra (rudiņa) mieneša 3 d.