Publikacejis Nūtikšonys Poezeja Proza . (.)

Andryvs Jūrdžys (1845-1925)     Jūrdžu Andryvs (1845-1925), dzims Ludzys apleicīnis Nautrānu aba Zaļmuižys pogosta Kuorklinīku cīmā. Apglobuots Desetnīku kopūs. Školuojīs pošvuiceibys ceļā. Tics ībolsuots par pogosta "magazejis kliets" puorzynuotuoju. Zaļmuižys pogosta starosta Žarāns, beidamīs, ka A. Jūrdžys varātu aizjimt juo vītu, apmaluoja jū labeibys zagšonā. A. Jūrdžys 8 mienešus beja aizspīsts palicā. Rakstejs pa leluokai daļai poezeju, taipoš religiskys esejis. Pa laika bīdru līcynuojumim, A. Jūrdžys sarakstejs apmāram 25 tomus (jī lelā mārā dublejās), kurūs duovynuojs meitom i ct. Žurnala Zīdūnis redakceja Rēznē beja salasejuse 15 Jūrdža saraksteitūs tomus, bet guņsnalaimē 1925 godā jī sadaga. A. Jūrdžys lasejs i latgaļu tautysdzīsmis, sacīņus, parunys, īticiešonys, meiklis. Latvīšu polklorys salaseitovys fondūs irā vairuok kai 600 Jūrdža pīlaseitu i īsyuteitu tautysdzīšmu, ap 500 sacīņu.     Pa sevim A. Jūrdža ailis publicātys pyrmajā latgaļu poezejis antologejā Kūkle (1914), pyrmakara Latvejis Republikys periodikā. Vuocejā 1984 godā izlaists boguots rakstīņu salasiejums Andryvs Jūrdžys kūpā ar laseitim A. Jūrdža dorbim. A Jūrdža poezejis i prozys dorbu izlase īlykta ari A. Apīņa, I. Klekeris i L. Limanis tiemiejuma Raksteituojs nu Nautrānu. Andryva Jūrdža dzeive i padarejums dalykumā (Reiga, 1989). 1999 godā Rēznē izlaista A. Jūrdža gruomota Myužeigais kalinders.     Dīvam žāļ, A. Jūrdža rokstu dorbūs irā labtik lels latvīšu volūdys īspaids.     Jūrdžu Andryva ailis: Zemnīkam irā jauka dzeive    Pasauļa pamesšona    Zīmas snīgs    Zīdu meita    © 2000-2024, Aņss Ataols Bierzeņš, latgola.lv        Myusu E-posta adress: latgola@latgola.lv Ituos puslopys pādejuo papruoveišona: 2002 gods maja (lopu) mieneša 27 d.