Gerbs

Aktualumi

Arkivs

Volūda

Literatura

Viesture

Muoksla

Etnokultura

Dūmu meiti

Breivī servisi

Gostu gruomota

Saitys













. (.)


latgola.lv

Ūtardiņ, 2004 gods pebraļa (svacainis) mieneša 10 d.

Sliminīku dīnys Landskoronys draudzī

    1858 gods pebraļa 11 d. Lurdā četrpadsmitgadeigai meitinei Bernadetei Subirū pasaruodeja Vyssvātuokuo Jaunova Marija. Nu tīm laikim ar Dīvmuotis aizbiļdnīceibu Lurdā nūteik daudzi breinumu. Daudzi slimī breinumainā kuortā teik izdzīdynuoti. Dieļtam Bazneica pebraļa 11 dīnu ir pasludynuojuse par Vyspasaulis sliminīku dīnu.
    Landskoronys draudzis dīvnomā atsarūn Lurdys Dīvmuotis figura. Piec viesturiskīm datim tei ir vysvacuokuo i leluokuo Lurdys Dīvmuotis figura Latgolā.
    Ar j.e. Veiskupa Juoņa Buļa atļauju Landskoronys bazneicā kotra mieneša 11 dīnā nūtyks sliminīku dīnys.
    Sliminīku dīnys kuorteiba :
  • 10.00 - Vyssvātuokuo Sakramenta pastateišona
  • "Reiteņs"
  • Rūžukrūņs
  • 11.00 - sv. Mišs Dīvmuotis gūdam (par draudzis i kluotasūšajim slymajim)
  • Lurdys Dīvmuotis litaneja i lyugšona par sliminīkim
  • Svieteiba ar Vyssvātuokū Sakramentu
  • Nūslāgumā svieteiba sliminīkim i rūku izlikšona
    Itaida kuorteiba tiks īvāruota kotra mieneša 11 dīnā.
    Ceru, ka mes izmontuosim šū vareibu, kab ar Lurdys Dīvmuotis aizbildnīceibu sev i sev tyvim cylvākim izlyugtu mīsys i dvieselis veseleibu.


Īsyutejs:
Aivars Kūrseits, Landskoronys draudzis prāvests





© 2000-2017, Aņss Ataols Bierzeņš        Myusu E-posta adress: latgola@latgola.lv

Ituos puslopys pādejuo papruoveišona: 2004 gods apreļa (sulu) mieneša 1 d.