Gerbs

Aktualumi

Arkivs

Volūda

Literatura

Viesture

Muoksla

Etnokultura

Dūmu meiti

Breivī servisi

Gostu gruomota

Saitys













. (.)


latgola.lv

Trešdiņ, 2004 gods janvara (jaunagods) mieneša 7 d.

Izguojs „Latgolys damu popa” aļboms

    Izguojs muzykys grupys Latgolys damu pops jaunais aļboms Ar ceļuļozu pret ceļulitu, kurā irā 12 skaneigys dzīsmis latgalīšu volūdā. Itys irā grupys ūtrais aļboms, pyrmū jei izlaide 1996 godā, i nu tuo laika Latgolys damys atpazeist pa popularajai dzīsmei Varakļuoni 5-5. Ituo hita doncuojams aranžejīņs īkļauts arī jaunajā aļbomā. Aļboma leluokuo daļa irā originalmuzyka, bet iraida arī latgalīšu tautysdzīšmu myusudīneigys versejis, kurys varams i sprostai klauseitīs, i doncuot.
    Latgolys damu pops irā vīneiguo grupa Latvejā, kas latgaliski izpilda na vīņ tautysdzīsmis, bet arī roksta i dzīd originaldzīsmis, kuru autore ir grupys dalineica Anita Bierzeņa. Tai grupa aplīcynoj latgalīšu volūdys variešonu dzeivuot na vīņ folklorā i kasdīnē, bet arī myusudīneigā muzykā.
Plascinkys vuoceņš (prīška)
    Kai dzīšmu tekstūs, tai damu koņcertūs jyutoma latgalīšim rakstureiguo humora jutūne i variešona pasnīgt vysim saprūtamā izavierīnī sovu nūstotu arī nūpītnūs i politiskai aktualūs vaicuojumūs. Zigerista bananu daleišonys laikā tei beja dzīsme Varakļuoni 5-5, piečuok - Iz Europu, a tān, paklausūt ministru prezidenta vadynuojumam Vysi iz dzerauni!, damys dasalaidušys dzeraunis raisteibys sekmiešonai, īdzīdūt dzīsmi Ar ceļuļozu pret ceļulitu. Aļboms jau paduovanuots Einaram Repšem, ministrim i Seima deputatim.
    Aļboms, kura izlaidiejs irā Gaits Lazdāns (muzykys laistive MAPLS), izguojs sadarbeibā ar Vydsdaugovys raisteibys kusteibu, kas ar ļaudiskim aktivitetim sekmej regiona sociali ekonomiskū guojumu i pādejā laikā dasaškieruse ceļuļozys pabryka projekta īdzeivynuošonys sekmiešonai Jākubpiļs rajona Ūzulsolā.
    Latgolys damu pops veiksmeigai pīsadalejs dažaidūs festivaļūs i dzīšmu konkursūs, tymā skaitā - Meiļuokais šļagers 2003, kurā, apsteidzūt daudzeju radejā bīžai spieļuotu šļageru autorus, dasnīdzs 10 vītys!
    Jaunuo aļboma Ar ceļuļozu pret ceļulitu pyrmais prezentacejis koņcerts nūtyks Jākubpiļs Tautys nomā 2004 gods janvara 17 dīnā, 18.00. Iz jū, jau pa tradicejai, aicynuoti arī Latvejā pazeistamuokī latgalīši. Īprasejums nūsyuteits arī Ministru prezidentam E. Repšem.

Plascinkys vuoceņš (pakaļa)     Grupys Latgolys damu pops sastuovs: Anita Gavare, Anita Bierzeņa, Irina Burnaševa.
    Jyusim irā vareiba pasaklauseit treis jaunuo aļboma dzīsmis MP3 formatā:


Īsyutejuse:
Anita Bierzeņa





© 2000-2017, Aņss Ataols Bierzeņš        Myusu E-posta adress: latgola@latgola.lv

Ituos puslopys pādejuo papruoveišona: 2004 gods janvara (jaunagods) mieneša 9 d.