Arkivs
Trešdiņ, 2002 gods janvara (jaunagods) mieneša 10 d.
2002 gods jaunagods (janvara) mieneša 10 dīnā oficialai atsadora Iņterneta žurnala "Graidi" Puorstaipteikla vīta http://www.graidi.lv/.
Elektroniskajā žurnalā latgaļu i anglīšu volūduos puorskaitomi analitiski rakstīni ap pošjaunū latgaļu literaturu, kulturys i cytu sferu guojumu, ap šudiņdīnys kulturys procesim Latgolā, verūtīs plotuokā Europys koņtekstā. Škārsteikla laidīnī "Graidi" teik publicejami i originaluos literaturys dorbi, pasauļa literaturys puorvārsumi. Sūplok tam teiklavītā dūdama vareiba skaiteituojim pīsadaleit rakstīņu i nūtikšonu apsprīsšonā caur dūmu meitim.
Puorstaipteikla vītā taipoš var atrast aktualu informaceju par Latgolys regionu: presis apsavierīni "Itei nedeļa Latgolā", gaidomūs nūtikšonu afišu, ar latgaļu kulturu sasītūs konkursu pasludynuojumus. Teik taiseita elektroniska latgaļu-anglīšu i anglīšu-latgaļu volūdu vuordineica.
Žurnals "Graidi" ir vīns nu vysu zeimeiguokūs Latgolys instituta projektu. Latgolys instituts irā navaļstiska organizaceja, kurys mierks - popularizēt Latgolys regiona kulturyskuos apleicīnis guojuma Europys koņtekstā ideju i koordinēt projektu sastateišonu i realiziešonu pa ituos idejas tecīņam.
Projektam "Graidi" naudysku atspaidu davuši: Daugpiļs latgaļu bīdreiba, ES programa "Jaunīši Europai", Iņterneta centris "Latnet" i Latvejis Sorosa fonds.
Īsyutejuse:
Zane Kūceņa
© 2000-2002, Aņss Ataols Bierzeņš Myusu E-posta adress: latgola@latgola.lv
Ituos puslopys pādejuo papruoveišona: 2002 gods juļa (sīna) mieneša 2 d.