Gerbs

Aktualumi

Arkivs

Volūda

Literatura

Viesture

Muoksla

Etnokultura

Dūmu meiti

Breivī servisi

Gostu gruomota

Saitys













. (.)


latgola.lv

Catūrtdiņ, 2001 gods juļa (sīna) mieneša 19 d.

Aicynuojums školuotuojim

    Tymā vosorys laikā, kod mozuok dorba teirumā, pļovā i suodā, var ļaut vaļu vuiceitīs gribiešonai. Dieļ tuo jau ūtru godu augusta mieneša suokuos Latgalīšu volūdys, literaturys i kulturys viesturis školuotuoju asociaceja (LVLKVSA) aicynoj Latgolys školuotuoju – latvīšu (i latgalīšu) volūdys, literaturys, kulturys viesturis, polklorys i cytu nūvoda vierteibu sapratieju i vuiceituoju – iz kursim “VOSORUOŠONA-2001”. Cykom Latgolys gora monts tik entuziastu globuots i kūpts, itaidi vosorys kursi ir eistynuo vīta, kur entuziastim sasatikt, pasadaleit pīredzē, kū nu jauna dazynuot. Kursu golvonuo tema – latgalīšu volūdys i kulturys viesturis vuiceišona Latgolys školuos: pīredze, fakti, vysjaunī pīzynumi. Ituos vosorys kursūs klauseisimēs lekceju par myusu dīnu latgalīšu volūdu i jaunumim latgalīšu literaturā, dazynuosim kū vairuok par latgalīšu raksteibys atteisteibu, sasatiksim ar latgalīšu tradiceju kūpiejim – psaļmu dzīduotuojom, tautys dzīšmu saceituojom. Klauseisimēs myusu tyveimūs kaimiņu – lītaunīku (žemaišu), boltkrīvu, igauņu par jūs volūdom puorguojušūs laikūs i niule. “Opolajā goldā” pasprīssim par latgalīšu volūdys vītu Latvejā i tuoļuok pasaulī. Prūtama līta, sastuosteisim tys tam, kai i kū sovim školānim vuicom par latgalīšu volūdu, literaturu, kulturys viesturi, folkloru.
    Kursi nūteik Bolvu rajona Rekovā ituo gods augusta mieneša 5-9 d. Dasacejumu gaidom da juļa mieneša 27 dīnai. Dasacejumā īrokstit zinis par sevi (CV) i pamatojumu, deļ kuo gribit pīsadaleit kursūs. Asociacejis bīdrim gona ar dasasaceišonu. Kursu daleibys moksa 5 Ls. Kursu beiguos tiks īdūti sertifikati.
    Ite varit šursyuteit kursu dīnys parādu.
    Seikuokys zinis pa teleponim: 4649730 (Veronika) voi 6543617 (Iļža)
    Adress:
Veronika Dundure,
Nautrānu vydsškola
Rogovka, Nautrānu pogosts
Rēzeknis rajons, LV-4652

    Faksimiļs: 4649835 (ar nūruodejumu "Vosoruošonai")
    E-posts: vosoruosona@latgola.lv

Īsyutejuse:
Iļža Myurineica





© 2000-2017, Aņss Ataols Bierzeņš        Myusu E-posta adress: latgola@latgola.lv

Ituos puslopys pādejuo papruoveišona: 2002 gods juļa (sīna) mieneša 2 d.