Gerbs

Aktualumi

Arkivs

Volūda

Literatura

Viesture

Muoksla

Etnokultura

Dūmu meiti

Breivī servisi

Gostu gruomota

Saitys













. (.)


latgola.lv

Trešdiņ, 2001 gods janvara (jaunagods) mieneša 10 d.

Registrēts Latgolys instituts

    2001. gods 10. dīnā janvara mieneša Latvejis Republikys Uzjāmumu registrā daraksteita navaļstiskuo organizaceja (NVO) "Latgolys instituts".
    Latgolys instituts (LGI) irā breivpruoteiga, navaļstiska, naatkareiga ļaudiskuo (sabīdriskuo) organizaceja, kurys dorba mierks - plateit Latgolys regiona kulturys apleicīnis tuoļuokguojuma ideju Europys koņtekstā i koordinēt projektu sagataveišonu i realiziešonu itymā vierzīnī.
    LGI darbeibys golvonī aizdavumi irā: 1) plateit Latgolā, Latvejā, Europā i cytur pasaulī informaceju par Latgolys kulturys montu i regiona myuslaiku kulturys apleicīnis procesim, 2) Latgolā plateit zinis par Europys Padūmis, Europys Savīneibys i cytu Europys organizaceju aktivitetim kulturys monta apzynuošonā, izglobuošonā i kulturys nūtikšonu koordiniešonā, 3) skubynuot iņdividualys personys, taipoš kai organizacejis, sagataveit i realizēt projektus Latgolys kulturys viesturis tiemiešonys i regiona myuslaiku kulturys apleicīnis tuoļuokguojuma vierzīņūs. LGI koordinēs kūpādareišonu projektu vedieju vydā. LGI dareis i turēs partneriskys saitys ar Latgolys organizacejom, tymā vydā i vītejim pošvoldim, kūpādareis ar jom informacejis meitā (apmaiņā) i kūpeigu projektu sagataveišonā.
    Latgolys instituts nūdybynuots 2000 gods dekabra mieneša 2 d. Preiļu mīstā. Tod pījimti organizacejis statuti i ībolsuots LGI volds, kurymā īīt: viersineica Kūceņu Zane, biroja vaļdeituojs Loginu Arts, volda sekretars Biernānu Harejs, vydiskūs saitu koordinatore Mežatuču Ilga, uorejūs saitu koordinators Kūceņu Armands.

Kontaktinformaceja:
Latgolys instituts
Preili, Breiveibys 7
mob. tel.: 9265544
Rēsne, Atbreivuošonys aleja 174
tel./faksimiļs: 4636580
E-posts: lgi@latgola.lv

Īsyutejuse:
Zane Kūceņa





© 2000-2017, Aņss Ataols Bierzeņš        Myusu E-posta adress: latgola@latgola.lv

Ituos puslopys pādejuo papruoveišona: 2002 gods juļa (sīna) mieneša 2 d.