Gerbs

Aktualumi

Volūda

Literatura

Viesture

Muoksla

Etnokultura

Dūmu meiti

Vasals
Bazneica
Školāni
Studenti
Breivī servisi

Gostu gruomota

Saitys













. (.)


latgola.lv

Apsavērt neits | Nūsyuteit atsaceišonu | Saroksts | Pyrmuokejuo viests | Cyta viests

vasals

Kaidā kuortā „Daugpiļs” - sīvīšu voi veirīšu?

Syuteituojs: Kūceņš <Armands.Kocins_N@N_busemb.lt> (213.226.144.245)
Data: Pyrmūdiņ, 2008 gods seņtebra (rudiņa) mieneša 8 dīnys 18 stuņdēs 39 mynotūs

Vasali!

Napaseņ, gatavejūt vīna latgaliska projekta materialus, pasacēle vaicuojums, kai raksteit vuordus „Daugpiļs, Ventspiļs, Pīterpiļs itt.” genitivā: ar golyuni „-iļs” voi ar golyuni „-iļa”. Tautā tradicionalai lītoj obadivejus variantus.

Da gola itū vaicuojumu ak jau dasavess izsprīst ortografejis komisejai, bet ite apguoduošonai puosyutu nazcik citatu nu privatuos saraksteibys i nazcik nūruožu da iņternetā īlyktūs olūtu.

------------------------------
Kai ruoda "Google", pasaukom "Pīterpiļs" i "Daugpiļs" praktikā niule dzeivoj diveji gramatiskī varianti - sīvīšu i veirīšu kuortā, t. i.:

genitivs (kuo?) - Pīterpiļs i Daugpiļs (itū lītoj cieškuok);
genitivs (kuo?) - Pīterpiļa i Daugpiļa (lītoj rešuok).

Obadiveji irā pareizi pa latgalīšu volūdys normom. Daudzejūs
atlasynuojumūs mejās ūtruos sadordalis golyune voi net kuorta
(svāts+dīnA -> svātdīnE, pa+saule -> pasauļS, sāta + mola -> sātmaļS),
a cytūs atlasynuojumū golyune nasamej
(pa+sirds -> pasirds, šudiņ+dīna - >šudiņdīna, piļs+kolns-> piliskolns).

Pa lelumam golyune mejās vacuokajūs atlasynuojumūs, nasamej jaunuokajūs.
Tok, nu ūtrys pusis, "Daugpiļs" i "Pīterpiļs" leidzeigi modeļam "pasirds", kurymā ūtruo dale irā i-calma sīvīšu kuortys lītvuords. I pošys pasaukys "Daugpiļs" i "Pīterpiļs" navā dyžan jau vacys:)

Kolupa vuordineicā "Daugpiļs" sīvīšu kuortā, koč jau lelumā pīvadumu.

Veirīšu kuortys variantu patur lītaunīku pusis pasauka "Daugpilis".

------------------------------

Pa manim, deļ praktisku īmešļu vajadzātu dūt pyrū rūku sīvīšu kuortys
variantam -"Daugpiļs, Daugpiļs, Daugpilei". Jū niule ļauds plotuok lītoj, i latgalīšim tai vīgļuok puorsaslēgt nu vysujaunuokuo, muoksleiguo darīņa "Daugavpils" iz vacū latgaliskū pasauku "Daugpiļs".

"Pīterpiļs" byutu labi normēt pa tam pošam priņcipam. Ka "Pīterpiļs" byus veirīšu k., a "Daugpiļs" - sīvīšu k., to izīs lels jukums:)

------------------------------

„DAUGPIĻS” VUORDS OLŪTŪS

1. Kolupa vuordineicā – SĪVĪŠU kuortā:

"nu Višku da Daugpilei" (1 siej. 207 psl.);
"nu Daugpilis atbrauču" (1 siej. 224 psl.);
"atbrauču nu Daugpilis" (1 siej. 274 psl.)
"nu myusu pusis da Daugpilei" (2 siej. 160 psl.).

2. Laikrokstā "Latgolys Vuords" – SĪVĪŠU kuortā:

http://data.lnb.lv/nba01/LatgolasWords/1925/LatgolasWords1925-042.pdf
(vītu sarokstā - "Daugpiļs apr.")

http://data.lnb.lv/nba01/LatgolasWords/1925/LatgolasWords1925-016.pdf
(slūdynuojumā pādejā puslopā - "Dorbs un zineiba" Daugpiļs nūdaļa")

http://data.lnb.lv/nba01/LatgolasWords/1925/LatgolasWords1925-012.pdf
(pādejā puslopā - "Daugpiļs .. bīdreiba", "Daugpiļs boltos smiļktis";
pyrmapādejā puslopā - "Daugpiļs prefektura")

3. "Drywa" taipoš lītoj SĪVĪŠU kuortā, tik sovaida deklinaceja (ē-calms): "Daugpiles, Daugpilē"

http://data.lnb.lv/nba01/Drywa/1917/Drywa1917-045.pdf
(3 psl. sarokstā - "Daugpiles apr.", 4 psl. suokuos - "Daugpilē")

http://data.lnb.lv/nba01/Drywa/1917/Drywa1917-018.pdf
(3 psl. nazcik reižu - "Daugpiles, Daugpilē")

http://data.lnb.lv/nba01/Drywa/1916/Drywa1916-043.pdf
(4 psl. - viersrokstā i piečuok tekstā "Daugpiles")

(A "Pīterpiļs" nikur naatrūnu, vysur tik "Peterburga" ci "Petrograda".)

4. Laikroksts "Latgalīts" taipoš lītuoja SĪVĪŠU kuortā:

http://data.lnb.lv/nba01/Latgalits/1920/Latgalits1920-07.pdf
(1 psl. lobajā molā - "Daugpils zemstes gromotwedis"

http://data.lnb.lv/nba01/Latgalits/1920/Latgalits1920-11.pdf
(3 psl. - "Daugpils policija", "Daugpils wilcini")

Viests itamā neitī

  • Kaidā kuortā „Daugpiļs” - sīvīšu voi veirīšu? (apsavārta 1553 reizis)
    Kūceņš (213.226.144.245) -- Pyrmūdiņ, 2008 gods seņtebra (rudiņa) mieneša 8 dīnys 18 stuņdēs 39 mynotūs

 

Nūsyuteit atsaceišonu

Vuords, pavuorde:
E-posts adress:
Tema:
Viests: