Gerbs

Aktualumi

Volūda

Literatura

Viesture

Muoksla

Etnokultura

Dūmu meiti

Vasals
Bazneica
Školāni
Studenti
Breivī servisi

Gostu gruomota

Saitys













. (.)


latgola.lv

Apsavērt neits | Nūsyuteit atsaceišonu | Saroksts | Pyrmuokejuo viests | Cyta viests

vasals

Re: valoda

Syuteituojs: Armands <armands_kucens_N@N_yahoo.com> (server.lukrecija.lt)
Data: Pīktdiņ, 2004 gods seņtebra (rudiņa) mieneša 17 dīnys 16 stuņdēs 2 mynotūs

Atsaceišona iz: valoda (Voldemars)

Vasali, Voldemar!

Muni dūmi taidi:

Gruomotys skaiteišona – ite jaunuoks pasaruodīņs kai skaitu “vīns, div, treis...” kūpā likšona (saskaiteišona). Da Baļtejis regiona gruomotu skaiteišonu atnese kaimiņu tautys, kurys ar tū muokslu īpasazyna agruok , t. i., germanīši (vuocīši) nu vīnys pusis i slavi (krīvi/polīši/ boltkrīvi) nu ūtrys.

Latvīšu volūdā gruomotu skaiteišonu viesturiskai suokts apzeimuot ar “lasīt”, puorceļūt itū darbeibu nu ūgu i sieņu laseišonys. Taids puorcālums nūtyka taisnā vuocīšu volūdys ītakā, deļ vuorda “lasīt” skonyska leidzeiguma ar vuocīšu “lesen”.

Nu sovys pusis, latgaļu volūdā gruomotu skaiteišonai pasaukt pajymts vuords, kurs pyrma tuo zeimuoja tik “skaitu kūpā likšonu, saskaiteišonu”. Leidza taids pats puorcālums nūtyka i lītaunīku volūdā, taipoš slavu volūduos. Tycams, ka lītaunīkim i latgalim itaids puorcāluma modeļs nūsavārts nu slavu.

Kai zynoms, pa viesturiskai tradicejai lītaunīku i latgaļu volūduos irā leluoka slavu volūdu ītaka, a latvīšu volūdā – leluoka vuocīšu volūdys ītaka. Partū normalā latgaļu volūdā vajadzātu sorguotīs nu letonizātu germanizmu, t i., taidu volūdysku pasaruodīņu, kuri atguojuši nu vuocīšu volūdys car latvīšu volūdys videibu.

Gols golā izīt tai, ka i latvīšu, i latgaļu volūdā irā homonimu puori: latvīši ar vīnu tū pošu vuordu apzeimoj i “lasīt ogas”, i “lasīt grāmatu”, a latgali ar vīnu tū pošu vuordu apzeimoj “skaiteit gruomotu” i “skaiteit da desmit”.

Ite tīsa, ka homonimeja (vīnaida forma, izškireiga zeimeiba) navā cīši parūceiga taidu cieški lītojamu vuordu puoram. Partū lītaunīki i slavi irā padarejuši “puorstyumīni”:

lītaunīki SKAITYTI -SKAITYTI atmejuši ar SKAITYTI-SKAIČIUOTI;

krīvi ČITAT’- ČITAT’ atmejuši ar ČITAT’-SČITAT’;

polīši i boltkrīvi CZYTAC’ atdavuši tik gruomotom, a skaitim puorjāmuši LICZYC’, kurs pyrma tuo zeimova “izškiert”, “atškiert”.

Ka gribim, i mes latgaliskai varim cieškuok lītuot SKAITEIT, kod runojam ap teksta skaiteišonu, a SASKAITEIT - kod runojam ap skaitu kūpā likšonu voi naudys ci cuoļu saskaiteišonu.

> Sveicinuoti !
> Vai navarātu kaids volūdys zynuotuojs izskaidruot, kuopēc latgaļi,
> it sevišķi tī, kuri roksta šajā lopā :
> gruomotu, avīzi - skaitej, bet navys losa. Bet, naudu, konkrētys
> lītis arī laikam skaitej. Kuopēc nav atškireibys ? Latvīši,
> pīmāram, gruomotu - lasa, bet naudu skaita. Varbyut tuopēc, ka
> latgaļi kartupeļus "losa", bet latvīši
> "rok".

Viests itamā neitī

  • valoda (apsavārta 1068 reizis)
    Voldemars (gw.at.gov.lv) -- Pīktdiņ, 2004 gods seņtebra (rudiņa) mieneša 17 dīnys 13 stuņdēs 43 mynotūs
    • par skaiteišonu (apsavārta 973 reizis)
      saprge (62.85.62.117) -- Pīktdiņ, 2004 gods seņtebra (rudiņa) mieneša 17 dīnys 15 stuņdēs 18 mynotūs
    • Re: valoda (apsavārta 970 reižu)
      Armands (server.lukrecija.lt) -- Pīktdiņ, 2004 gods seņtebra (rudiņa) mieneša 17 dīnys 16 stuņdēs 2 mynotūs
      • Re: valoda (apsavārta 1009 reizis)
        Jureits (server.latgale.lv) -- Pīktdiņ, 2004 gods seņtebra (rudiņa) mieneša 17 dīnys 19 stuņdēs 11 mynotūs
        • Re: valoda (apsavārta 28 reizis)
          Voldemars (gw.at.gov.lv) -- Pyrmūdiņ, 2004 gods seņtebra (rudiņa) mieneša 20 dīnys 9 stuņdēs 52 mynotūs
          • Re: valoda (apsavārta 986 reizis)
            jureits (server.latgale.lv) -- Pyrmūdiņ, 2004 gods seņtebra (rudiņa) mieneša 20 dīnys 16 stuņdēs 37 mynotūs
        • Re: valoda (apsavārta 1045 reizis)
          saprge (62.85.62.117) -- Ūtardiņ, 2004 gods seņtebra (rudiņa) mieneša 21 dīnys 14 stuņdēs 54 mynotūs
          • Re: valoda (apsavārta 1052 reizis)
            Jureits (server.latgale.lv) -- Catūrtdiņ, 2004 gods seņtebra (rudiņa) mieneša 23 dīnys 16 stuņdēs 11 mynotūs
            • Re: volūda (apsavārta 1311 reižu)
              saprge (62.85.62.117) -- Catūrtdiņ, 2004 gods seņtebra (rudiņa) mieneša 23 dīnys 18 stuņdēs 4 mynotūs

 

Nūsyuteit atsaceišonu

Vuords, pavuorde:
E-posts adress:
Tema:
Viests:

 

Apsavērt neits | Nūsyuteit atsaceišonu | Saroksts | Pyrmuokejuo viests | Cyta viests




Dūmu meits/viestu eile vasals dora iz WebBBS 2.25 i Majordomo 1.94.4.
Kūpāsalaids, piļneiguojs i latgaliskuojs © 2000 Aņss Ataols Bierzeņš        Myusu E-posta adress: latgola@latgola.lv