Gerbs

Aktualumi

Volūda

Literatura

Viesture

Muoksla

Etnokultura

Dūmu meiti

Vasals
Bazneica
Školāni
Studenti
Breivī servisi

Gostu gruomota

Saitys













. (.)


latgola.lv

Nūsyuteit atsaceišonu | Saroksts | Pyrmuokejuo viests | Cyta viests

vasals

Ar kū suoknam reit?

Syuteituojs: Jureits <jureits_N@N_latgola.lv> (server.latgale.lv)
Data: Ūtardiņ, 2004 gods juļa (sīna) mieneša 13 dīnys 18 stuņdēs 15 mynotūs

Vysa pyrms, paļdis, ka puorlasejot munu vakardīnys skriceliejumu...
;->

Tak atsaļaušu atguodynuot vakardīnys pādejū vaicuojumu:
"Varbyut īvessim dzeivī koč vīnu nu daudzajom lobajom idejom? Kuru nu vysom jyus pīduovojit?"

Vysi lelī puorguoīni suoknās ar pyrmū sūleiti. ;->

Munuos prioritašos šūbreid ir:

1.Vīnuota informacejys sistema - ka tū tai var nūsaukt. Kab mes zynuotu vīns par ūtru, par nūtykumim, par idejom, par vysu, kas saisteits ar Latgolu.
kab kotru dīnu (ka na kotru stundi) tyktu dūmuots i sprīsts par Latgolu, juos vajadzeibom, problemom i sasnāgumim. Nav normali, ka tys nūteik tikai laiku pa laikam - reizi nedelī, reizi mienesī, godā ci vēļ ratuok...
Dīvam žāļ, arī ituos lopys Aktualumūs jaunuokais ir marts - pi tuo vaiņa juouzajem ari maņ...
Vīnreiz ir juosaīt vysim zam vīna jumta, zam vīna "saita", zam vīnys avīzis ci vīna portala...

2.Latgolys Studentu centrs. Juosakuortoj tuos lītys, kas īsuoktys i izdūmuotys, lai nuokušajim pyrmuo kursa studentim jau byutu skaidrs, kur jys var īt, pi kuo paleidzēt i turpynuot aizsuoktū... navys kotrai studentu paaudzei otkon suokūt vysu nu jauna...
Vajadzeiga normala sistema: ar vysu īvālātu vadeituoji, ar informacejys izsyuteituoji, ar atbildeigū kotrā atseviškā vaicuojumā - tikai tod varam sagaideit kū na viņ realu.

3.Školuos ir vajadzeiga latgalīšu volūda! Par tū runoj, runoj... tikai runoj. Naaicynoju vēļ īt taiseit piketus, kai tū dareja "Reformys pretinīki", tak naizslādzu itū īspieji nu sova bloceņa... (kaidā piketā varātu nu reita leidz vokoram laist latgalīšu dzīsmis - lai Izgleiteibys ministrejī pasaklausa...) ;->
Školā juovuica bārnam juo volūda i vyss tī! Tod nabyus nuokūtnī vysaidu streidu starp pensionerim - kai pareizai raksteit! ;->
Nazynu, kai sazynuotīs ar Veroniku Dunduri, tak līknu prīškā suokumam vysmoz pīraksteit viestuli nu Latgolys školuotuojim, var savuokt parokstus nu bārnu vacuokim... Dūmoju, ka itaidu viestuli byutu gotovi paraksteit ari Latgolys pašvaļdeibu vadeituoji. A ka jī tū navaries paraksteit, tod ot jyusim i vīns nu kriterijim piec kura vadeitīs nuokušajā pavasara bolsuošonā... ;->

Ka vēļ kaids nazyna, muns e-posts: