Gerbs

Aktualumi

Volūda

Literatura

Viesture

Muoksla

Etnokultura

Dūmu meiti

Vasals
Bazneica
Školāni
Studenti
Breivī servisi

Gostu gruomota

Saitys













. (.)


latgola.lv

Apsavērt neits | Nūsyuteit atsaceišonu | Saroksts | Pyrmuokejuo viests | Cyta viests

vasals

namejs! / par politiku i na tikai

Syuteituojs: Jureits <jureits_N@N_latgola.lv> (server.latgale.lv)
Data: Pyrmūdiņ, 2004 gods juļa (sīna) mieneša 12 dīnys 20 stuņdēs 41 mynotā

Atlaidit, ka nūkavieju jyusu interesantū diskuseji 5.datumā, deļ tuo turpynojūt jyusu īsuoktū, atsaļaušu dalikt drupeiti puordūmu kai jaunu viesti.
Vysa vairuok maņ baist nu tuo - kū iļguok mes latgalīši nasuoksim dareit, tū gryušuok byus suokt.
As niuļa struodoju Latgolys regiona attīsteibys (guojuma) agenturā (LRAA). Pīdūdit, ka vēļ kolnus naguožnu, tak ite, dūmoju, dabuošu lobu pīredzi, kab vīnreiz "izkūst leidz kaulam" Latgolys problemys. I, kas zyna, mošeņ atsarass tod ari kaids rysynuojums.

Pīkreitu Harejam, ka nūpītnai juopuordūmoj īspiejys, kai caur Eiropu tikt pi taisneibys Latvejī i Latgolā;
Pīkreitu, Aņšam i Juoņam, ka politysks spāks ir juotaisa latgalīšim, kab apvīnuotu myusus kūpeigim mierkim;
Pīkreitu ari Spergai, kas drusku pavalk iz zūba par skaļu vuordu saceišonu, kab nasaītu "lela brāka, moza vylna";
Pīkreitu Andram Kazinovskim, kas runoj par Latgolu, kai atsevišku Eiroregionu 2007.godā;
Pīkreitu Trasunam, kod jys lyka prīškā bīdreibu lelū nūzeimi;
Pīkreitu O.Slišānam, kur jys soka - "muns latgaliskais ir mans vyslatviskuokais";
Pīkreitu N.Rancāna saucīņam: "Raunit!";
Pīkreitu...

Tikai - maņ, tai pat kai jyusim pītryukst, spāka i tik lelys mīlesteibys pret Latgolu, kab varātu vīns stuotīs pretim pasauļa nataisneibai, kas kotru dīnu teik nūdareita Latgolys ļaudim, volūdai, literaturai, ekonomikai, bārnim i vacajim...
Pītryukst drūsmis i spāka, i vareišonys, kab ap sevi sasauktu vysus latgalīšus. Pītryukst pošaizlīdzeibys, kab varātu nūlikt sovys personiskuos interesis aiz kūpejom Latgolys interešom...
Breižym pītryukst korstgalveibys, kab salauzt ikdīnys palākumu; breižim pītryukst māranuma, kab naīskrīt muļkeigā streidā...

Vysu laiku mes sokam - nazkuo pītryukst, kab dzeivī vārātu īvest tuos lītys, kurom mes vysi pīkreitam. "Varbyut varās tū padareit tod, kod paliksim gudruoci, vacuoki, lobuoki... ci varbyut tī jaunī izdareis, mošeņ jī gudruoci, talanteiguoki par myusim?"

Eh, tai izaver ka draudzeigai nūīsim dybunā i vuoks puor golvu byus myusim vysim...

A, ka tai padūmoj - šudiņ Namejs svyn vuordadīnu!
Tod namejs (namīzn) ari Tu, latgalīt! ;-)

Varbyut beidzūt īvessim dzeivī koč vēļ vīnu nu daudzajom lobajom idejom? Kuru nu vysom jyus pīduovojit? ;-)

Viests itamā neitī

  • namejs! / par politiku i na tikai (apsavārta 941 reizi)
    Jureits (server.latgale.lv) -- Pyrmūdiņ, 2004 gods juļa (sīna) mieneša 12 dīnys 20 stuņdēs 41 mynotā

 

Nūsyuteit atsaceišonu

Vuords, pavuorde:
E-posts adress:
Tema:
Viests:

 

Apsavērt neits | Nūsyuteit atsaceišonu | Saroksts | Pyrmuokejuo viests | Cyta viests




Dūmu meits/viestu eile vasals dora iz WebBBS 2.25 i Majordomo 1.94.4.
Kūpāsalaids, piļneiguojs i latgaliskuojs © 2000 Aņss Ataols Bierzeņš        Myusu E-posta adress: latgola@latgola.lv