Gerbs

Aktualumi

Volūda

Literatura

Viesture

Muoksla

Etnokultura

Dūmu meiti

Vasals
Bazneica
Školāni
Studenti
Breivī servisi

Gostu gruomota

Saitys













. (.)


latgola.lv

Apsavērt neits | Nūsyuteit atsaceišonu | Saroksts | Pyrmuokejuo viests | Cyta viests

vasals

Īskots ortografejis nūsacejumūs

Syuteituojs: Ilze Sperga <sperga_N@N_one.lv> (62.85.62.117)
Data: Ūtardiņ, 2004 gods pebraļa (svacainis) mieneša 24 dīnys 18 stuņdēs 29 mynotūs

Lobs vokors!

Tai kai bezinformacejaa voi dezinformacejaa dzymst spletnis i tikai ļauns pruots vīnam iz ūtru, īsyutu Otrografejis komisejis izstruodojamuu (na pabeigtū!) nūsacejumu projekta fragmentu.

Gaidu objektivu viertiejumu, atsaucis, komentarus - atsatuolynojuut nu priikshlaiceiga atzynuma par liitom, izeimuut nu sovim aizspriidumim!

Ar ciinu - Ilze Sperga

Projekts

LATGALĪŠU ROKSTU VOLŪDYS PAREIZRAKSTEIBYS NŪSACEJUMI
(24. 02. 2004)

1.
Latgalīšu rokstu volūdys pareizraksteiba baļsteita iz 1929. goda "Nūteikumu par latgalīšu izlūksnes ortografiju" un pylnveidojama iz fonetikys, morfologejis un konveņcejis pamata. Par latgalīšu rokstu volūdys fonologiskuos sistemys pamatu teik pījimta Juosmuižys, Vuorkovys, Vydsmuižys, Viļānu, Sakstagola, Ūzulainis, Makašānu, Drycānu, Gaigalovys, Bieržu, Tiļžys un Nautrānu izlūkšņu fonologiskuo sistema, kurei vyslobuok ir pagluobuse latgaliskajom izlūksnem rakstureiguos pazeimis.

2.

Latgalīšu rokstu volūdā skanis apzeimoj ar burtim a, ā, b, c, č, d, e, ē, f, g, ģ, h, i, ī, y, j, k, ķ, l, ļ, m, n, ņ, o, ō, p, r, s, š, t, u, ū, v, z, ž un burtu savīnuojumim dz, dž.
Burts ō apzeimoj garū patskani [ō], pīmāram, kaladō!, Ō!, bet na divskani [uo].
Burts ē apzeimoj tikai garū patskani [ē], pīmāram, ēst, vēļ, bet na divskani [ie].
Burts y apzeimoj cītū patskani [i], pīmāram, vysod, zyrgs.

3.

Ar burtim a, e, i, y, o, u apzeimoj eisūs patskaņus, pīmāram, art, ceļš, tikt, cyts, ols, kubuls. Ar burtim ā, ē, ī, ō, ū apzeimoj garūs patskaņus, pīmāram, dāls, dzēst, īva, kaladō!, ūga.
Šaurūs un plotūs patskaņus e, ē apzeimoj burti e, ē, pīmāram, svešs, debess; e – ē!, zeme, mes; mes, plēst.

4.

Divskaņus roksta ar burtu savīnuojumim ai, au, ei, ie, iu, yu, ou, ui, uo, pīmāram, maize, saule, zeile, sierms, niule, lyugt, klouga, puika, suoļs.

Viests itamā neitī

  • Īskots ortografejis nūsacejumūs (apsavārta 990 reižu)
    Ilze Sperga (62.85.62.117) -- Ūtardiņ, 2004 gods pebraļa (svacainis) mieneša 24 dīnys 18 stuņdēs 29 mynotūs

 

Nūsyuteit atsaceišonu

Vuords, pavuorde:
E-posts adress:
Tema:
Viests:

 

Apsavērt neits | Nūsyuteit atsaceišonu | Saroksts | Pyrmuokejuo viests | Cyta viests




Dūmu meits/viestu eile vasals dora iz WebBBS 2.25 i Majordomo 1.94.4.
Kūpāsalaids, piļneiguojs i latgaliskuojs © 2000 Aņss Ataols Bierzeņš        M