Gerbs

Aktualumi

Volūda

Literatura

Viesture

Muoksla

Etnokultura

Dūmu meiti

Vasals
Bazneica
Školāni
Studenti
Breivī servisi

Gostu gruomota

Saitys













. (.)


latgola.lv

Apsavērt neits | Nūsyuteit atsaceišonu | Saroksts | Pyrmuokejuo viests | Cyta viests

vasals

Re: VADYNUOJUMS

Syuteituojs: Harijs Bernans <harijs.bernans_N@N_ctco.lv> (217.21.164.251)
Data: Ūtardiņ, 2004 gods pebraļa (svacainis) mieneša 24 dīnys 11 stuņdēs 31 mynotā

Atsaceišona iz: VADYNUOJUMS (Armands Kūceņš)


Pruoteiga duuma.

-----Original Message-----
From: owner-vasals_N@N_skudra.folklora.lv
[mailto:owner-vasals_N@N_skudra.folklora.lv] On Behalf Of Armands Kūceņš
Sent: Tuesday, February 24, 2004 7:58 AM
To: vasals_N@N_latgola.lv
Subject: vasals: VADYNUOJUMS

VADYNUOJUMS

Tuoļojūt vakardīnys diskuseju ap vītinīka formys „JYS” atmeišonu ar
„JIS”,
grybātum grīztīs ar vadynuojumu da itymā dūmu meitā pīsadolūšūs
Ortografejis
zamkomisejis bīdru i vysu cytu dūmu meita „Vasals” dalinīku.

Gūdynojamī, vysu pyrma grīžu Jyusu viereibu iz zamuok mynātajim faktim.

1. Latgaļu volūdys raksteibys praktikā vys vēļ ekzistej stypra opoziceja
iz
vyds nadabeigtuos „Stroda ortografejis” pīzinieju, nu vīnys pusis, i
papiļdeituos ortografejis lītuotuoju, nu ūtrys. Kai zynoms, pīvadumam,
J.Eļksnis jau trešs gods kai vysā atsasasacejs nu papiļdeituos
ortografejis
lītuošonys „Tāvu zemis kaleņderī”.

2. Škaļdeiba iz vyds obadiveju ortografeju pīzinieju jau tai irā labtik
lela,
deļ tuo nabyutu sveicynojama vēļ nakoņsekveņceja pošu papiļdeituos
ortografejis lītuotuoju vydā.

3. Izrunys tiemiejumi līcynoj, ka terotetiskai VĪNAIDS pamats byutu
obadivejim
variantim – i „jYs”, i „jIs”.

4. Papiļdeituos ortografejis pyrmuokuos komisejis sastateitajūs
ortografejis
nūsacejumūs (1996 g.), par kurim piečuok nūbolsova ziniskuo koņfereņceja

Rēznē, tyka apstyprynuota forma „JYS” ar cītū „Y”.

5. Pošjaunajā izlaistajā latgaļu lementarī (1992 g.), t. z., ŠKOLYS (!)
gruomotā lītojama forma „JYS” ar cītū „Y”.

6. Sevkurys ortografejis komisejis aizdavums irā apstyprynuot taidus
nūsacejumus, kuri byutu juojam par pamatu, sastotūt metodiskus
materialus
vuiceišonai školuos i cytom vajadzeibom. A vuicūt i vuicūtīs literariskū

volūdu vysod teik izlītojama tamā volūdā (i tamā ortografejā)
pīraksteita
literatura.

7. Praktiskai vysi literati, kuri roksta voi irā rakstejuši papiļdeitajā

ortografejā (V.Celeitāne, L.Gagaine-Seiksta, P.Jurciņš, E.Kalvāne,
E.Karūdznīks, O.Kravaļs-O.Rīkstāns, V.Lukaševičs, U.Prancāns, A.Rancāne,

J.Ryučāns, L.Rundāne, O.Seiksts, O.Slišāns, I.Tārauda), lītoj formu
„JYS” ar
cītū „Y”.

8. Pādejūs godūs (2001, 2002 i 2003 g.) irā izlaistys divejis L.Leikumys

redigātys gruomotys – „Seikšaļteņu nūstuošonys” i „Lobuo dīna”, taipoš
vīna
A.Stafeckys redigāta gruomota – „Vasals, bruoļ, vasala, muos”. Jamuos
vysuos
trejuos kai autora, tai i REDAKTORA (i L.Leikumys, A.Stafeckys!) tekstā
kai
VĪNEIGAIS variants teik lītojama forma „JYS” ar cītū „Y”.

Vysi augšuok puorsauktī argumenti, pa manim, labvīn skaidrai daruoda, ka

itūgod vysā nu jauna suokt aizvoduot formu ar „i” nabyutu pastatīneigi.
Apstyprynojūt jaunynuojumu, kura NAAIZPROSA izrunys tyvynuošonys
raksteibai
priņcips, vīn bez vajadzeibys tyktu nūnycynojama literariskuo tradiceja.

Pīzeistūt par normu variantu „JIS” ar meikstū „I” byutu kai ba
paviesteits, ka
90 % nu papiļdeitajā ortografejā pīraksteituos literaturys (tymā vydā i
pošu
zamkomisejis bīdru L.Leikumys, A.Stafeckys redigātuos gruomotys!) irā
NAPAREIZĀ raksteibā. Papiļdeitū ortografeju šudiņ lītoj na tai daudzi
ļaužu, a
itaids sūļs vīn pazamynuotu papiļdeituos ortografejis prestižu ļaudeibā.

Deļ tuo vadynoju:
* zamkomisejis bīdris Iļzi Spergu i Ilonu Zaicevu –
skaitūtīs ar augšuok mynātajim faktim, pasūleit zamkomisejai
apstyprynuot par
normu praktikā lītojamū variantu „jYs”(cikom tū vēļ var padareit);

* cytus dūmu meita dalinīkus –
dasaškiert itam munam vadynuojumam zamkomisejai i paleidzēt apsorguot
napastyprū papiļdeituos ortografejis lītuošonys tradiceju nu taida
radikala
pagrīzīņa.

Aiz agra paļdis vysim par aiziņtereseibu!

Armands Kūceņš

(tuoļuot – turpināt
vys vēļ – arvien vēl
vītinīks – vietniekvārds
atmeišona – aizstāšana
grīztīs – vērsties
vadynuojums - aicinājums
iz vyds – starp
papiļdeits - papildināts
pīziniejs – piekritējs
škaļdeiba – šķelšanās
sveicynojama - apsveicama
tiemiejumi - pētījumi
pyrmuokuo - iepriekšējā
lementars – ābece
sevkurs – ikviens, jebkurš
aizdavums - uzdevums
aizvoduot – ieviest
pastatīneigi - mērķtiecīgi
ļaudeiba – sabiedrība
pasūleit – piedāvāt
dasaškiert – pievienoties)

Viests itamā neitī

  • VADYNUOJUMS (apsavārta 974 reizis)
    Armands Kūceņš (81.7.104.211) -- Ūtardiņ, 2004 gods pebraļa (svacainis) mieneša 24 dīnys 7 stuņdēs 57 mynotūs
    • Re: VADYNUOJUMS (apsavārta 924 reizis)
      Harijs Bernans (217.21.164.251) -- Ūtardiņ, 2004 gods pebraļa (svacainis) mieneša 24 dīnys 11 stuņdēs 31 mynotā
      • Re: VADYNUOJUMS (apsavārta 980 reižu)
        Armands Kūceņš (81.7.104.211) -- Ūtardiņ, 2004 gods pebraļa (svacainis) mieneša 24 dīnys 13 stuņdēs 19 mynotūs
        • Re: VADYNUOJUMS (apsavārta 1012 reižu)
          ilona (193.178.151.84) -- Ūtardiņ, 2004 gods pebraļa (svacainis) mieneša 24 dīnys 19 stuņdēs 37 mynotūs
          • Re: VADYNUOJUMS (apsavārta 990 reižu)
            Armands Kūceņš (81.7.104.64) -- Trešdiņ, 2004 gods pebraļa (svacainis) mieneša 25 dīnys 11 stuņdēs 6 mynotūs
        • Par komiseju, metodi i atsaduushonuus. (apsavārta 977 reizis)
          Harijs Bernans (217.21.164.251) -- Trešdiņ, 2004 gods pebraļa (svacainis) mieneša 25 dīnys 11 stuņdēs 42 mynotūs

 

Nūsyuteit atsaceišonu

Vuords, pavuorde:
E-posts adress:
Tema:
Viests: