Gerbs

Aktualumi

Volūda

Literatura

Viesture

Muoksla

Etnokultura

Dūmu meiti

Vasals
Bazneica
Školāni
Studenti
Breivī servisi

Gostu gruomota

Saitys













. (.)


latgola.lv

Apsavērt neits | Nūsyuteit atsaceišonu | Saroksts | Pyrmuokejuo viests | Cyta viests

vasals

Re: ir voi nav latgaliskai?

Syuteituojs: Armands Kūceņš <kucens_N@N_latgola.lv> (81.7.105.33)
Data: Svātdiņ, 2004 gods janvara (jaunagods) mieneša 18 dīnys 19 stuņdēs 54 mynotūs

Atsaceišona iz: Re: ir voi nav latgaliskai? (Juons Grigals)

>bet cik es zyny,
>
>tod Varakļuonūs napazeist sakni "sliut" i vuordu
> "attikt" ( bet soka
>
>gon "atdžist" ).

>Voi Armands "sliut" nav sajaucs ar cytu vacu, reši lītuotu,
> bet
>
>pazeistamu vuordu "svuit" voi "suit" ar nūzeimi
> "cīši daudz"
>Šķeivi"
>ari tī napazyna, bet saceja "telviečs" voi "talerka".

SLIUT, SLIVĒT
Vuords "sliut" nu Varakļuonu dūts Mu"lenbacha-Endzelīna vuordineicā.

Formu "slivēt" pīminiejuse i lītuojuse L.Leikuma "Tāvu zemis kaleņderī" 1992 godam. Tok vuorda "izslivēt" lītuošonys myuslaiku rokstūs tradiceju aizsuoce O.Seiksts ar sovim dorbim. Vysā jau juopīzeist (jāatzīst), ka itys vuords dreižuok irā poetizmys, na kasdīneiga leksikys vīnine (ikdienišķa leksikas vienība).

ATTIKT, (ATDŽIST)
Drūši zynu, ka "attikt" soka niulejuo Preiļu rajona lelajā daļā. Ka i Varakļuonūs taida vuorda nabyutu bejs, literariskajā volūdā tok labvīn pīdar vysaidu Latgolys nūvodu vuordi, kurim pa zeimeibai (pēc nozīmes) navā leidzeigu cytuos latgaļu vītrunuos (izloksnēs), na tai?

"Graidūs" beja daudzi pīstuovu nu Preiļu rajona, partū itys vuords acimredzeigi i aizavede literariskajā raksteibā. Vuords "attikt", sūplok "atmaneit", dieļ sovys zeimeibys irā cīši lobs lītuot filosofiska pagrīzuma (ievirzes) tekstūs.

"Atdžist" maņ izaver pa letonizmam, na vacam latgaļu vuordam, tok naasu drūss par 100%, vēļ vajadzātu patēmēt (papētīt).

SVUIT
Nu, a "svuit" irā vuords par sevi i Jyus, Juoņ, jū labi aprakstejot,
tī vaira navā kuo dasaceit (piebilst).

ŠKEIVS
Latgolā irā cīši daudzi poliskys i krīviskys izaceļšonys pasauku škeivam apzeimuot (nosaukumu šķīvja apzīmēšanai), tok par latgaļu literariskū normu latgaļu lingvisti pīzeist vuordu "ŠKEIVS".

Armands