Gerbs

Aktualumi

Volūda

Literatura

Viesture

Muoksla

Etnokultura

Dūmu meiti

Vasals
Bazneica
Školāni
Studenti
Breivī servisi

Gostu gruomota

Saitys













. (.)


latgola.lv

Apsavērt neits | Nūsyuteit atsaceišonu | Saroksts | Pyrmuokejuo viests | Cyta viests

vasals

Re: vajag materialu del esejys par "latgalīšu volūda i "Latgolys latvī...

Syuteituojs: Armands Kūceņš <kucens_N@N_latgola.lv> (81.7.105.62)
Data: Sastdiņ, 2004 gods janvara (jaunagods) mieneša 17 dīnys 15 stuņdēs 15 mynotūs

Atsaceišona iz: Re: vajag materialu del esejys par "latgalīšu volūda i "Latgolys latvī... (Ansis Ataols Berzins)

Armands:
> Zynoms, tī vaira byus ap latgalim, mozuok ap Latgolā
> īceļuojušajim latvīšim
> :))

Aņss:
>Nu ite gon Tu dasakaseji! Jou cara laikūs latgalīši sevi suoce saukt
>par
>Vitebskis gubernejis latvīšim, a piečuok - par Latgolys latvīšim. A
> kas
>atsatīc iz īceļuojušajim baļtīšim - nikod naasu dzierdejs, ka jūs tai
>sauktu.

Kod 19 gs. latgali seve jēme saukt par "latvīšim", tūlaik jī ar tū vuordu apzeimova na niulejūs latvīšus, a vīn tūs ļauds, kuri myuslaikūs skaituos latgali.

Laika īmā daudzeju sapratīņu zeimeiba (jēdzienu nozīme) irā PUORSAMEJUSE. Zynoms, vēļ jau atsarūn taidi gudrinīki, kuri grib atjimt nu Latvejis vaļsteibys vuordu, karūgu i vaļstiskuos volūdys pasauku, saceidami apmāram tai:

"Latvīšu" volūda ira na TŪS "latvīšu", a ITŪS "latvīšu" eistynuo volūda, kam tī "latvīši" jau beja "latvīši" tūlaik, kod itī "latvīši" vēļ saucēs na "latvīši", a kūrši aba kūrzemnīki, a piečuok tī "latvīši" pajēme itūs "latvīšu" vuordu i taipoš suoce sauktīs "latvīši", cikom gols golā niule, runodami ap "latvīšu" volūdu i kulturu, ļauds tur pruotā na jau tū senejūs "latvīšu", a tūs jaunūs "latvīšu" volūdu i kulturu.

Humors, to nā? Taišni tū es i gribieju pastreipuot, ka latgalim JUOBEIDZ DZEIVUOT CARA LAIKŪS!

Kas zeimojās iz vaicuojuma ūtrū daļu - tautā latvīšu sauc "čyuļu". Tok krīvu taipoš Latgolā tradicionalai sauc "maskaļu" (a jūs bārnu - "maskalānu", irā net taida latgaļu pavuorde Maskalāns). Bet tys nazeimoj, ka vysus runysvolūdys elementus var nest vydā myuslaiceigā publiskā diskursā ar neutralu stilisti