Gerbs

Aktualumi

Volūda

Literatura

Viesture

Muoksla

Etnokultura

Dūmu meiti

Vasals
Bazneica
Školāni
Studenti
Breivī servisi

Gostu gruomota

Saitys













. (.)


latgola.lv

Nūsyuteit atsaceišonu | Saroksts | Pyrmuokejuo viests | Cyta viests

vasals

Ap LV uz- i LG iz-

Syuteituojs: Armands Ku'cen's' <kucens_N@N_hotmail.com> (f62.law12.hotmail.com)
Data: Pīktdiņ, 2002 gods nojabra (solnu) mieneša 22 dīnys 9 stuņdēs 50 mynotūs


Paļdis Juoņam par konkretim i konstruktivim pasūlejumim diskusejai!

Ite munys darunys:

1) Juoņs vaicuoja:
>Kai izaklausa teikums: "Iz maisa izkryta
>uobuls i izkryta Armandam iz kuojys."
>Voi šytys izrunys buolums ir latgaļu volūdys
>naatjamama sastuovdaļa?

Pa munam, itymā gadīnī latgaliski soka ar prepoziceju „nu”:
"NU maisa izkryta uobuļs i izkryta Armandam iz kuojis."

Ūtra līta – nu asimiļacejis nadaudz cīts latgaļs, dūmuotīs, vīnā sacejumā
nakuortuotu vuorda „izkrist” 2 reizis, jys saceitu, pīvadumam:
"Nu maisa IZAVĒLE uobuļs i izkryta Armandam iz kuojis" i leidz.

2) Juoņs vaicova:
>Voi latgaliski navar
>paruodeit atšķireibu storp "uz" un "iz"?

Voi vajadzeigs raksteibā atspeidynuot volūdā NAASŪŠYS gramatiskys
konstrukcejis? Navā motivacejis ruodeit izškireibu iz vyds LG‘iz’=LV‘Iz”, nu
vīnys pusis, i LG‘iz’=LV‘Uz’, nu ūtrys.

Latgalim radneigajā lītaunīku volūdā ekzistej nataideiba iz vyds ‘PAR-’ i
‘PER’:
LT pErnešti = LG pUOrnest = LV pĀrnest
LT pArnešti = LG pUOrnest = LV pĀrnest
Tok, kai redzīs nu itūs pīvadumu, latgaliski obadivejūs gadīņūs lītojam
vīnaidu formu i raksteibā NAdolom vīna ‘PUOR-’ nu ūtra ‘PUOR-’. Volūdā gi
realiskys izškireibys NAVĀ.

3) Juoņs vaicuoja:
>Kai lai bez "uz" pasoka:
>uzvuords (pavuorde ir pyrmuo dzierdiešona)...

LV uzvārds – LG pavuorde
(itys vuords, cyta vydā, dūts i P.Stroda 1933 gods „Pareizraksteibys
vuordineicā” 132 psl.)

LV uzvilkt pulksteni – LG aizgrīzt stuņdinīku

LV uzdevums – LG aizdavums
(da 1934 gods latgaļu bārni školuos vuicejuos nu gruomotys „Matematikys
aizdavumi”)

LV uzsvērt – LG pastreipuot; akceņtēt...

LV uzacs – LG izacs
(veirīšu kuorta – genitivs „izača”, daudziskaitlis „izači”)

LV uzticība – LG paticeiba; atsadūšona...

LV uzvara – LG viersajēme; viersajimšona; īveikšona; puorvariešona
(LV uzvarēt – LG jimt viersu; īveikt; puorvarēt)

LV uzgrieznis – ??
(cikom kas latgaliski soka „muterka” voi „gaika”;
LV „uzgrieznis” ir nu jauna darynuots termins;
varama līta, ka latgaliski byutu vajadzeigs sovs, jaunuoks termins)

LV uzsaukt – LG 1. aizklīgt; 2. (viersā nu zamuoka stuova) pasaukt; nūsaukt;
3. (bazneicā) izsaukt
(Varami cyti varianti.)

LV uzāķēt – LG izkabynuot; izmaukt...

LV uzbāzīgs – LG viersābuozeigs; dasabuozeigs; leideigs

LV uzlabot – LG pataiseit; palobuot; papruovēt

LV uzlīme – LG izlepiejums
(vuords „uzlīme” latvīšu volūdā atsaroda labi ka pyrma 20 godu; varama līta,
ka latgaliski byutu vajadzeigs lobuoks termins)

4) Juoņs vaicuoja:
>"uz" tyka pazaudāts voi izdūmuots?
Ite rymta ziniska problema, jei aizprosa īsadziliešonys i juos navar
apraksteit nazcik sacejumūs. Volūdys tāmātuoji, cik zynu, navā izstatejuši
pamatuotu hipotežu, ka latgaļu volūdā taids ‘uz, uz-’ da kod byutu bejs.

5) Juoņs vaicova:
>Voi latgalīšu volūdā ir saprosti nūteikumi, kai pījimt
>svešvuordus? Kū dareit, ja svešvuordā ir "uz"?

Normativu nūruodejumu naturim. Pyrma ūtruo pasauļa kara apstyprynuotī
latgaļu ortografejis nūsacejumi sovu dereigumu pagaisynuojuši. Pošā jaunajā,
1996 godā pījymtajā latgaļu ortografejis standartā sevim navā nūruodeits,
kai puorvērst latvīšu vuordus ar ‘uz-’.

Dieļ tuo juosaklausa pošys volūdys esmē. ‘uz, uz-’ NAVĀ lītuots vysā latgaļu
volūdā i rūbežmalis latvīšu vītrunuos, t.z., iz reitim nu linejis
Gaujīne-Lyzums-Lubuons-Mātrīne-Daudzese-Sece.

Puorvieršūt latvīšu vuordus, latgaliski lītojamys SOVAI volūdai atsateikūšys
konstrukcejis BEZ ‘uz’ (verīs pīvadumu 4 punktā).
A nu CYTU volūdu puorjimtajūs vuordūs (kai „uzurpators”), zynoms, ‘uz-’
izagloboj, kam ite jys saknis dala, na padieklis.

6) Juoņs vaicuoja:
>Tod vel īgodosim, ka tajā pošā "eisa moceiba
>ap audziešonu bišu", kura tūmār saucama
>par latgalīšu gruomotu, "uz" ir atrūnams bez
>skaita, bet "iz" ar nūzemi "uz" tikai dažys
>reizis.

Gruomotys autors J.Akelevičs nabeja ni latgaļs, ni latgaļu volūdys
specialists. Verūtīs pa dorba tekstam, jys beja labvīn pīsavuicejs
latgaliski, tok na tai labi, kab juo volūdys gramatiku jymtumem par paraugu
šudiņ. Vītrunu dokumeņtiejumi vys jau irā patycamuoks olūts volūdys
karakteram dazynuot.

„Uz” lītuošona raksteibā ir namosna, nakoņsekventa, svešu volūdu īspaidā
atsaroduse vacūs rokstu tradiceja, kurai navā pamata pošys volūdys byutīnē.
I ite normali, ka papiļdeitajā ortografejā raksteituoji juos kūna nalītoj.

_________________________________________________________________
Add photos to your messages with MSN 8. Get 2 months FREE*.
http://join.msn.com/?pagežatures/featuredemail

 

Nūsyuteit atsaceišonu

Vuords, pavuorde:
E-posts adress:
Tema:
Viests: